Politologu Afrim Krasniqi vlerëson ish-ambasadorin gjerman në Tiranë, Werner Daum, i cili u nda nga jeta sot (e shtunë) në Shqipëri.
“Dr. Werner Daum, diplomati që ishte drejtues i përkohshëm i ambasadës gjermane në korrik 1990 përveçse një nga të paktët diplomatë që me kontributin dhe dëshmitë e tij ka lënë gjurmë në historinë tonë bashkëkohore ishte edhe një studiues i pasionuar”, shprehet Krasniqi.
Sipas Krasniqit, në librin e tij “Albanien zwischen Kreuz und Halbmond”, (2010) Werner Daum kujton se më 12-13 korrik 1990 u arrit me sukses sfidues të largohen në Perëndim të gjithë qytetarët e hyrë në ambasada dhe me 14 korrik, në ditëlindjen e tij, ambasadori francez i solli shampanjë për të festuar.
“Dr. Daum ka një karrierë të gjatë diplomatike dhe profesionale, por Shqipëria zuri vend të veçantë. Në korrik 1990 në zyrat e larta të shtetit diskutohej shpallja e tij Non Grata, por dy dekada më vonë mori nderimet më të larta të shtetit shqiptar”, shprehet politologu. Krasniqi thotë se ambasadori Daum në çdo rast ai ishte modest në deklarimet e tij mbi korrikun ’90.
