Ministri i Financave, Petrit Malaj dhe guvernatori i Bankës së Shqipërisë, Gent Sejko, u takuan në Uashington me me Drejtorin Ekzekutiv për Shqipërinë pranë Bankës Botërore, Matteo Bugamelli. “U theksua se Shqipëria ka ndërtuar një rezistencë të lartë ekonomike përballë krizave të fundit globale. Kjo është reflektuar në ruajtjen e rritjes ekonomike dhe stabilitetin e sektorit financiar”, njoftoi Ministria e Financave.
Sipas ministrit Malaj, vendi pritet të vijojë këtë trajektore pozitive, duke siguruar qëndrueshmëri në afatmesëm dhe afatgjatë. “Politikat e kujdesshme ekonomike dhe menaxhimi i përmirësuar fiskal kanë ndikuar në forcimin e financave publike”, thuhet në njoftim.
Bashkëpunimi me institucione ndërkombëtare si Banka Botërore mbetet thelbësor për avancimin e reformave dhe rritjen e mirëqenies së qytetarëve, njoftoi Ministria e Financave.
Leave a Reply