Kryeministri i Shqipërisë, Edi Rama mori pjesë në Samitin “Në mbrojtje të demokracisë”, që po zhvillohet në Barcelonë, Spanjë. Në nisje të samitit, kryeministri Rama u prit nga kryeministri i Spanjës, Pedro Sanchez.
Punimet e samitit përqendrohen në tema kyçe si “Institucionet dhe multilaterizmi” si edhe “Dezinformimi dhe teknologjia digjitale”, ku një vëmendje e veçantë i kushtohet rregullimit të mjedisit digjital për të luftuar dezinformimin, forcimit te institucioneve demokratike dhe multilateralizmit, si dhe luftës ndaj pabarazive si themel për një demokraci të fortë.
Ditën e djeshme kryeministri Rama dhe delegacioni vizituan Dhomën e Tregtisë së Katalonjës, një nga institucionet më prestigjioze ekonomike në rajonin e Katalonjës.
Leave a Reply