Presidenti i Iranit, Masud Pezeshkian, mësohet se ka mbetur i plagosur gjatë një përpjekje të Izraelit për ta vrarë atë më 15 qershor 2025, në ditët e luftës mes dy vendeve. Lajmi është bërë i ditur zyrtarisht nga agjencia iraniane FARS dhe mësohet se objekt i sulmit izraelit kanë qenë edhe kryetari i Parlamentit të Iranitn dhe shefi i sistemit të drejtësisë.
Presidenti iranian, i cili edhe më parë kishte deklaruar se kishte objekt i përpjekjeve të Izraelit për ta vrarë, mësohet se është plagosur lehtë në këmbë, gjatë një takimi të Këshillit Suprem të Sigurisë Kombëtare, njoftoi agjencia e lajmeve pranë Gardës Revolucionare.
Lajmi bën të ditur se 6 raketa apo bomba ishin përdorur për të bllokuar daljen e godinës ku po mbahej mbledhja, por zyrtarët e lartë ia kishin dalë të largoheshin nga një rrugë emergjence.
Pezeshkian mësohet se është plagosur teksa largohej nga godina, ndërsa një hetim ka nisur për të gjetur informatorin që njoftoi Izraelin për mbledhjen. Vrasja synohej të realizohej në të njëtën mënyrë si ekzekutimi i liderit të Hezbollahut, Hasan Nasrrallah.
