Për të tretën ditë radhazi grupime të shoqërisë civile po protestojnë në Tiranë lidhur me projektin për investim në Zvërnec të Vlorës, si dhe kundër abuzimit me investimet strategjike.
Qytetarët u grumbulluan në sheshin “Skënderbej” dhe nga aty marshuan drejt Ministrisë së Brendshme dhe më pas drejt Kryeministrisë.
Me pankarta në duar qytetarët kërkojnë anulimin e projektit të Zvërnecit, duke shprehur shqetësimet e tyre për ndikimin që ai mund të ketë në mjedis dhe në pasuritë natyrore të zonës. Duke iu përgjigjur ftesës së kryeministrit Edi Rama për të bashkëbiseduar me një grup prej tyre, qytetarët thërrasin “Nuk ka dialog”.
Gjithashtu, gjatë protestave nuk kanë munguar edhe thirrjet për dorëheqjen e qeverisë. Vetë kryeministri Rama është shprehur se ende nuk ka një projekt përfundimtar për investimin.
Leave a Reply