Rilind Gërvalla, drejtor i Festivalit të Këngës në RTK, tha se synimi i RTK-së është të bëhet pjesë e dy festivaleve të mëdha evropiane që janë: Eurovision Song Contest dhe Eurovision Junior. Gërvalla, ka thënë se Festivali “Akordet e Kosovës” ka qenë festivali më i madh që ka prodhuar në atë kohë elita kulturore e asaj kohe. Ai ka thënë se edicioni i parë është mbajtur në vitin 1963.
Gërvalla ka folur edhe për organizimin e Festivalit të sivjetëm dhe risitë që do të ketë. “Këtë herë do të jetë ndryshe. RTK-Festi do të jetë në natën e parë garuese dhe natën e dytë finale, ndërsa në natën e tretë, më 31 tetor, do të jetë Festivali i Fëmijëve. Ne e kemi planifikuar që këto tre netë të jenë në të njëjtën skenë, por me skenografi të ndryshuar vetëm për shkak të Festivalit të Fëmijëve. Pra datat janë: 29, 30 dhe 31 tetor 2026”, tha Gërvalla.
Rilind Gërvalla, drejtor i Festivalit të Këngës në RTK, tha se synimi i gjithë kësaj që po bëhet si RTK është që të bëhet pjesë e dy festivaleve të mëdha evropiane që janë: Eurovision Song Contest dhe Eurovision Junior. “Këto dy festivale janë të domosdoshme për aplikimin në anëtarësimin ton të ardhshëm”, tha ai.
Gërvalla ka folur edhe për zgjedhjen e drejtorit artistik. “Dje e kemi emëruar tashmë drejtorin artistik të festivalit, që do të jetë për të katërtën herë radhazi kompozitori i njohur Florent Boshnjaku, i cili, duhet të themi këtu, për shkak se pak njerëz e dinë, ka qenë pjesëmarrës me kompozimin e tij në Eurosong dhe ka përfaqësuar Shqipërinë. Pastaj është i vetmi kompozitor i cili, po në Maltë, ka prezantuar Maltën me këngën e tij të kompozuar nga ai. Kështu që e kemi një njeri i cili është i gatshëm për festivalet e mëdha”, tha @RTKulturë, Rilind Gërvalla, drejtor i Festivalit të Këngës në RTK. Festivali “Akordet e Kosovës” do të mbahet më 29, 30 dhe 31 tetor 2026.
Leave a Reply