Të paktën 43 palestinezë kanë mbetur të vrarë sot (e dielë) nga sulmet ajrore izraelite, ka deklaruar zëdhënësi i Mbrojtjes Civile, Mahmud Basal. Midis viktimave, 11 palestinezë, midis të cilëve gra dhe fëmijë, janë vrarë gjatë sulmit në një treg në Qytetin e Gazës, në veri të territorit.
Ndërkohë tre viktima janë regjistruar në kampin e refugjatëve në “Al-Mawassi”, në zonën jugore.
Në kampin e refugjatëve në Nuseirat, në zonën qendrore të Gazas, janë vrarë 20 persona, midis të cilëve 10 fëmijë pranë një pike të shpërndarjes së ujit të pijshëm, ka shtuar zëdhënësi.
Nga ana e saj, ushtria izraelite ka deklaruar se ka goditur një anëtar të “Xhihadit Islamik”, duke pranuar se ka patur edhe një gabim teknik.
ë
