Në mënyrë jo të zakontë, lideri kinez Xi Jiping nuk është shfaqur në publik rregullisht nga maji në korrik 2025, duke shkaktuar jo pak zhurmë rreth zhvillimeve në udhëheqjen komuniste në Pekin.
Sekretari i Parë i Partisë Komuniste, Presidenti i Republikës Popullore dhe kryetar i Komisionit Qendror Ushtarak, në mandatin e tretë në krye të vendit, nuk është shfaqur në publik nga 21 maji deri në 5 qershor dhe nga 24 qershor deri më 7 korrik 2025. Dy “zhdukje” me kohëzgjatje dy javë secila brenda tre muajve.
Gjithashtu, pasqyrimi i lajmeve për #XiJinping në median shtetërore të kontrolluar kineze ka qenë i cunguar në muajt e fundit.
Për më tepër, lideri kinez që theu rregullat e qendrimit në pushtet prej Mao Ce Dunit, nuk mori pjesë për herë të parë prej vitit 2012 edhe në takimin e BRICS, zhvilluar në Brazil para rreth 1 jave. Një nisëm shumë e dashur për Pekinin, ku lideri i saj vështirë se do të mungonte pa një arsye të fortë.
