“Wizz Air”, kompania e tretë më e madhe me kosto të ulët në Europë, ka ridimensionuar ambiciet jashtë kontinentit dhe nga 1 shtatori do të mbyllë filialin e saj në Abu Dabi të Emirateve të Bashkuara Arabe. Konfirmimi vjen nga një deklaratë e vetë kompanisë.
Hapja e filialit në Abu Dabi ishte lëvizja e parë e kompanisë për t’u shtrirë më tej në Indi, vendet e tjera të Azisë dhe në një pjesë të Afrikës. Por kjo ka rezultuar një dështim, i shoqëruar edhe me humbje ekonomike. Gjithashtu, ndikim kanë patur edhe problemet me motorrët e gjeneratës së re dhe situata gjeopolitike në territor.
Në këtë mënyrë, kompania hungareze do të fokusohet te Europa , duke forcuar pjesën qendrore dhe lindore të saj.
