Ekspozita “Armiku i Jashtëm” nga Bashkim Shehu u hap dje në Qendrën për Hapje dhe Dialog (COD), në bashkëpunim me Bibliotekën Kombëtare.
Përmes karikaturave të revistës satirike Hosteni, ekspozita hedh dritë mbi mënyrën se si është përfytyruar “armiku i jashtëm” në Shqipërinë e viteve të diktaturës – një kujtesë vizuale dhe kulturore për mekanizmat e propagandës së kohës.
Në hapje, krahas kuratorit Bashkim Shehu, ndanë reflektime dhe kujtime për rolin e Hostenit në jetën publike të kohës edhe Zhani Ciko dhe Përparim Kalo, duke sjellë një pasqyrë të gjallë të kontekstit historik dhe kulturor të atyre viteve.
