“Apple” shpenzon 500 milionë USD për një material të rrallë për “Iphone”

“Apple” po investon 500 milionë dollarë për një marrëveshje me kompaninë amerikane “MP Materials”, e specializuar për metalet e rralla, pas presioneve të Presidentit Trump për të prodhuar brenda vendit telefonët e saj “Iphone”.

Si pjesë e kësaj marrëveshjeje, “Apple” angazhohet të blejë një magnet të rrallë direkt nga kompania “MP Materials” për të ndihmuar linjën amerikane të prodhimit të telefonëve.

Gjithashtu, “Apple” do të bashkëpunojë me kompaninë për një linjë të re të riciklimit në Kaliforni për të ricikluar materialet e rralla në produktet e përdorura të “Apple”.