Trupi gjykues i Kolegjit të Posaçëm të Apelimit (KPA) shpalli sot (e mërkurë) vendimin për çështjen nr. 39/2022, që i përket ankimit të Komisionerit Publik kundër vendimit të Komisionit të Pavarur të Kualifikimit, lidhur me subjektin e rivlerësimit Elona Alvora.
Trupi gjykues i KPA-së, i përbërë nga Ina Rama kryesuese, Rezarta Schuetz relatore, Albana Shtylla, Mimoza Tasi dhe Sokol Çomo anëtarë, vendosi në mënyrë unanime ndryshimin e vendimit të Komisionit të Pavarur të Kualifikimit nr. 538, datë 7 qershor 2022, që lidhet me subjektin e rivlerësimit Elona Alvora.
Në përfundim të gjykimit, KPA vendosi pezullimin nga detyra të Elona Alvorës për një periudhë njëvjeçare dhe detyrimin e saj për të ndjekur programin e trajnimit, sipas kurrikulave të miratuara nga Shkolla e Magjistraturës.
Leave a Reply