Prej fillimit të korrikut 2025, forcat e NATO-s për Europën kanë një komandant të ri. Ai është gjenerali Alexus G. Grynkewich.
Krahas detyrës si Komandanti Suprem i Aleancës për Evropën (SACEUR), gjenerali ushtron edhe detyrën e Komandantit të Komandës Europiane të Shteteve të Bashkuara. Më parë, ai ka qenë drejtor i Operacioneve në zyrën e Shtabeve të Bashkuar në ushtrisë amerikane, në Uashington
Gjenerali #Grynkewich nisi angazhimin e tij në ushtrinë amerikane në vitin 1993 dhe ka shërbyer si instruktor për pilotët, oficer armatimi dhe pilot testues i avionëve luftarakë F-16 dhe F-22. Ai ka qenë komandant i Forcës së 9-të Ajrore, me bazë në Karolinën e Jugut, që shërben si komponent ajror për Komandën Qendrore Amerikane, si dhe komandant i Komandës së Forcës Ajrore të Kombinuar, një pozicion ushtarak i nivelit të lartë për integrimin dhe koordinimin e shumë forcave të tjera ushtarake.
Gjenerali Grynkewich ka shërbyer në Komandën Luftarake Ajrore, Komandën Europiane të Shteteve të Bashkuara, Komandën Qendrore të Shteteve të Bashkuara, Shtabin Qendror të Forcës Ajrore dhe Shtabin e Përgjithshëm.
AI është diplomuar në Akademinë e Forcës Ajrore të SHBA dhe mban një master nga Universiteti i Xhorxhias, Shkolla Pasuniversitare dhe Shkolla e Bashkuar e Avancuar e Luftimit.
Gjenerali Grynkewich është komandant i pilotimit me më shumë se 2.300 orë në 16 avionë.
Leave a Reply