Në Palermo, 33 vjet më parë do të vritej nga mafia prokurori Paolo Borsellino. Bashkëpunëtor i afërt i Falkones së vrarë vetëm dy muaj më parë, Borsellino do të ekzekutohej në mënyrë mafioze, me një shpërthim të telekomanduar. Në fakt, fati i tij dukej si i parashkruar prej vrasjes së Falkones.
“Kam nisur të qaj për vdekjen e babait tim kur isha me të pranë, teksa nderonim trupin e pajetë të Xhovani Falkones gjatë homazheve që zhvilloheshin në Pallatin e Drejtësisë. Nuk mund ta harroj kurrë se atë ditë qaja për ikjen e një kolegu dhe miku vëllazëror të babait tim, por në realitet ishte sikur të qaja para kohe për ikjen e tim eti. I dashur baba, çdo mbrëmje para se të flemë të falënderojmë për dhuratën më të madhe: Mënyrën me të cilën na ke mësuar të jetojmë”. Ishin këto fjalët e Manfredi Borsellino, djali i Paolo Borsellinos, prokurorit italian të vrarë nga mafia më 19 korrik 1992 në Palermo. Mesazhi i tij u dha shumë vite më pas për publikun.
Leave a Reply