Kurti, ofertë konkrete për “Nismën” për të bashkëqeverisur

Kryetari i Lëvizjes Vetëvendosje, njëherësh kryeministri në detyrë, Albin Kurti, ka thënë se ka bërë ofertë konkrete për bashkëqeverisje liderit të Nisma Socialdemokrate, Fatmir Limaj.

Ai tha se uron që marrëveshja të bëhet këtë javë, mirëpo nuk tregoi detaje se për çfarë oferte bëhet fjalë, transmeton KosovaPress.

“Kemi shprehur jo vetëm interesimin por edhe gatishmërinë për të bashkëqeverisur. Kam bërë një ofertë konkrete për Nismën në mënyrë që të përmbyllet sa më mirë”, tha Kurti në konferencë për media të hënën.

Kujtojmë që sot dështoi edhe tentimi i 50-të i konstituimit të Kuvendit të Kosovës.