Raheem Sterling është emri i ri për sulmin e Napolit në periudhën e transferimeve verore, që po hyn në pjesën e saj më të nxehtë. Anglezi 30-vjecar dhe me një karrierë të pasur midis Liverpulit, Mancester Sitit, Celsit dhe Arsenalit (ku zhgënjeu disi me paraqitjet) është një ide konkrete për të fuqizuar sulmin e kampionëve në fuqi të Italisë.
Megjithatë situata nuk është e thjeshtë. Anglezët e Celsit kanë nevojë për të ardhura dhe e kanë nxjerrë futbollistin në shitje, ndërsa ai stërvitet vecmas grupit të lojtarëve.
Kosto e kartonit të futbollistit është rreth 23 milionë euro, një shifër që nuk duket e papërballueshme, por paga e lojtarit është shumë e lartë. Ai paguhet 15.6 milionë euro në sezon, shifra të papërballueshme nga klubi i Napolit. Zgjidhja mbetet ulja e pagës me vullnetin e futbollistit ose ndarja e saj mes Napolit dhe klubit anglez.
Leave a Reply