Lufta në Ukrainë dhe debati politik ka përfshirë sërish botën e artit.
Soprano e famshme botërore, Ana Netrebko, nëpërmjet ekipit të saj ligjor, ka paditur për shpifje Operën Metropolitane të Nju-Jorkut dhe drejtuesin e saj, Peter Gelb, manaxher i përgjithshëm.
Padia, e dyta në serinë e përplasjeve mes këngëtares ruse të muzikës klasike dhe teatrit prestigjioz të operas, pretendon se The Metropolitan Opera dhe kryemanaxheri #Gelb kanë rinisur një fushatë shpifjesh ndaj sopranos #Netrebko. Sipas letrës shoqëruese të padisë për Gjykatën Federale të Nju-Jorkut, fushata me deklarata false synon të dëmtojë karrierën e Netrebkos, duke e pasqyruar #METOpera si një “kampion të Ukrainës” dhe sopranon e njohur, “në mënyrë të pavërtetë, si emblemë e regjimit të #Putin“.
Në një përplasje që zgjat prej tre vitesh, stafi i #Netrebko-s e akuzon #Gelb për intervistat e tij, njëra prej të cilave në agjencinë kombëtare ukrainase të lajmeve. Sipas avokatëve, kjo shton rrezikun e sulmeve fizike ndaj sopranos në një kohë kur #Rusia dhe #Ukraina janë të angazhuar në një konflikt të vazhdueshëm dhe të përshkallëzuar.
Gjithashtu #Gelb ka kritikuar dhe Operan e Palm Beach (#Florida) për angazhimin e Netrebkos në kalendarin e saj artistik. Në intervista gjatë muajit korrik 2025, në #Ukrainë dhe #Austri, manaxheri i përgjithshëm i Operas Metropolitane të Nju-Jorkut ka folur për marrëdhënien e sopranos ruse me Presidentin Putin, duke e akuzuar artisten se nuk e ka dënuar luftën në Ukrainë dhe për këtë, është konsultuar paraprakisht me #Kremlin-in. Sipas #PeterGelb, këngëtarja ruse e dënoi luftën, në shkurt 2022, vetëm pasi opera e #NewYork i ndërpreu kontratën. #Netrebko u tërhoq, atëherë, nga performancat në “Turandot” dhe “Don Carlo”.
#Netrebko po performon aktualisht në Arenën e Veronës (#ArenadiVerona) me #Nabucco dhe do të kthehet më pas në Teatrin e Operas Mbretërore në Londër (#RoyalOperaHouse) për të hapur sezonin me #Tosca. Soprano ruse do të kthehet edhe në Operan e Zyrihut për një produksion të ri të “Forca e fatit” (La Forza del Destino”, ndërsa do të bëjë debutimin me rolin e Amelias në “Një ballo me maska” në Teatrin “San Carlo” të Napolit.
Leave a Reply