Zelenski: Qindra dronë rusë u neutralizuan gjatë natës

Rusia e goditi Ukrainën me “disa qindra” dronë gjatë natës, tha presidenti ukrainas Volodimir Zelenski.

“Njësitë e sistemeve pa pilot të Ukrainës, aviacioni i ushtrisë dhe forcave ajrore, artileria kundërajrore, forcat e mbrojtjes ajrore dhe grupet e  lëvizshme të  zjarrit  punuan pa u lodhur gjatë gjithë natës”, tha Zelenski në platformën X në një postim në gjuhën angleze.

“Në total, vetëm gjatë kësaj nate, mbrojtësit tanë të qiellit neutralizuan disa qindra dronë sulmues rusë”, shtoi ai. Udhëheqësi ukrainas pranoi se kishte pasur edhe goditje dhe raportoi tetë persona të plagosur në sulme.

“Po ndërmerren përpjekje nga ekipet e shpëtimit dhe po punohet për rindërtim, veçanërisht për të rivendosur furnizimin me energji elektrike”, shtoi ai.