Shkëndija e Tetovës në Maqedoninë e Veriut ka arritur një kualifikim historik në raundin e tretë të Ligës së Kampioneve, duke mposhtur Steau e Bukureshtit me rezultatin 2-1 në ndeshjen e kthimit. Takimi i zhvilluar në “Arena Nationala” të Bukureshtit ka nisur me epërsi të vendasve, kur në minutën e njëzet e tetë Juri Cisotti, pas një asistimi nga Daniel Birligea, ka shënuar për 1-0.
Megjithatë, vetëm pesë minuta më vonë, Shkëndija ka reaguar: pas një rrëmuje në zonë, topi është kthyer te Liridon Latifi, i cili ka shënuar duke e barazuar rezultatin në 1-1.
Heroi i mbrëmjes për tetovarët ka qenë Vane Krstevski, i cili në minutën e tetëdhjetë e shtatë ka realizuar një gol me parabolë e kombinuar me devijim.
Me këtë fitore, Shkëndija siguron kalimin në raundin e tretë, ku do të përballet me skuadrën azere Qarabag. Edhe në ndeshjen tjetër të një jave më parë në Shkup, Shkëndija kishte fituar ndeshjen me rezultat 1-0.
Leave a Reply