Kroacia zhvillon paradën më të madhe ushtarake

Me paradën më të madhe ushtarake prej qershorit 1991 kur fitoi pavarësinë, Kroacia përkujtoi 30-vjetorin e Operacionit “Stuhia” (“Oluja”), vendimtar për çlirimin e vendit

Operacioni “Stuhia” i ushtrisë kroate u zhvillua nga 4 deri më 7 gusht 1995, kundër trupave të shtetit të vetëshpallur, Republikës Serbe të Krajinës. I pasuar me luftime deri më 14 gusht, Operacioni “Stuhia” ishte vendimtar në Luftën Kroate për Pavarësi (1991 – 1995).

Shumë shqiptarë ishin pjesë e këtij operacioni dhe luftuan krah për krah me ushtarët kroatë, duke kontribuuar në çlirimin e popullit kroat dhe pavarësimit të Kroacisë nga Jugosllavia e dominuar nga Serbia.