Gjykata e Drejtësisë së Bashkimit Europian ka rrëzuar qeverinë italiane të kryeministres #Meloni lidhur me qendrat e migrantëve në Shqipëri.
Sipas Gjykatës Europiane të Drejtësisë, e cila u vu në lëvizje me kërkesë të Gjykatës së Romës, përcaktimi i një vendi të tretë si “vend i sigurt origjine” duhet të jetë objekt i një kontrolli gjyqësor efektiv.
Sipas gjyqtarëve europianë, një vend anëtar i Bashkimit Europian nuk mund të përfshijë një vend në listën e vendeve të sigurta të origjinës nëse nuk ofron një mbrojtje të mjaftueshme për të gjithë popullësinë.
Fati i qendrave të pritjes në Shëngjin dhe Gjadër ka qenë prej fillimit objekt i një debati të fortë politik në Itali, ndërsa disa herë gjykatat e kanë bllokuar procesin e sjelljes në Shqipëri të migrantëve të kapur në det. Sipas marrëveshjes mes dy qeverive, ata duhet të qëndrojnë në Shqipëri deri në realizimin e procedurave dhe marrjen e vendimit nëse do të pranohen në Itali apo do të kthehen në vendin e tyre.
Leave a Reply