Punëtorët e medias së vetme publike, Radiotelevizionit të Kosovës, nuk i morën pagat e tyre më 1 gusht. Kjo për shkak se nuk është gjetur ende asnjë formë për alokimin e mjeteve për shkak të moskonstituimit të Kuvendit.
Drejtori i Institutit Demokratik të Kosovës, Ehat Miftaraj tha se, përveç pagave të punëtorëve, RTK pa mjete financiare nuk mund të paguajë as obligimet kontraktuale.
“RTK është në Ligjin e Punës, por nuk kanë buxhet për të marrë pagat. Sot RTK si mediumi i vetëm publik nuk mund të kryejë obligimet kontraktuale që ka me operatorët ekonomikë. Nëse nuk gaboj, kanë 600 mijë euro borxh ndaj UEFA-s për të drejtat televizive”, ka thënë Miftaraj.
Reagime për mosalokim të mjeteve për transmetuesin publik RTK kanë bërë edhe PDK, LDK e AAK.
Leave a Reply