Begaj dekreton daljen në rezervë të gjeneral brigade, Ylli Pulaj

Presidenti i Republikës, Bajram Begaj, me propozim të Ministrit të Mbrojtjes, ka dekretuar daljen në rezervë të gjeneral brigade Ylli Pulaj, i cili mbante detyrën e komandantit të Kolegjit të Mbrojtjes dhe Sigurisë.

Gjeneral brigade Pulaj ka një karrierë të gjatë në Forcat e Armatosura dhe më parë ka mbajtur detyrën e komandantit të Forcës Ajrore.

Presidenti i Republikës, si Komandant i Përgjithshëm i Forcave të Armatosura, jep gradat madhore, me propozimin e Ministrit të Mbrojtjes, emëron, gradon, shkarkon dhe nxjerr në rezervë ose në lirim, me propozimin e Kryeministrit, Shefin e Shtabit të Përgjithshëm të Forcave të Armatosura, si dhe emëron dhe shkarkon, me propozimin e Ministrit të Mbrojtjes, komandantët e forcave tokësore, detare dhe ajrore.