Opera dhe Baleti Mbretëror i Mbretërisë së Bashkuar ka anuluar shfaqjen e operas “Tosca” në Izrael, pas protestave të stafit lidhur me zhvillimet në Gaza.
“The Royal Ballet and Opera”, me qendër në Londër, nuk do të zhvillojë shfaqjen e parashikuar për më 2026-tën të operas “Tosca” të Pucinit në Operan e Tel Avivit, pas 182 anëtarë të stafit kanë firmosur një letër, duke dënuar qëndrimin e kompanisë lidhur me Gazan. Artistët e kanë cilësuar si hipokrizi qëndrimin ndaj Gazas, duke e akuzuar kompaninë britanike për bashkëpunim me “një qeveri që kryen krime kundër njerëzimit”. Ata shprehen se Opera e Izraelit u ofron bileta falas edhe pjesëtarëve të ushtrisë izraelite, duke e dënuar këtë politikë.
Mes firmëtarëve janë këngëtarë, muzikantë, kërcimtarë dhe pjestarë të stafit mbështetës.
Në një mesazh të brendshëm për stafin, drejtuesi ekzekutiv i operas së famshme britanike, Sër Aleks Beard, është shprehur se “kemi marrë vendimin që produksioni nuk do të shkojë në Izrael”.
Leave a Reply