Trump synon të takohet me Putin

Presidenti amerikan, Donald J. Trump, synon të takohet mundësisht gjatë javës së ardhshme me Presidentin rus, Vladimir Putin.

Lajmi u bë i ditur nga #FoxNews dhe u konfirmua më pas edhe nga Shtëpia e Bardhë.

Pas takimit me #Putin, #Trump synon të realizojë një takim trepalësh edhe me përfshirjen e Presidentit ukrainas, Volodimir Zelenski.

Presidenti i SHBA-së, Donald Trump tha sot se i dërguari i tij special, Steve Witkoff, kishte bërë “progres të madh” në takimin e tij me presidentin rus Vladimir Putin, ndërsa Uashingtoni vazhdon përgatitjet për të vendosur sanksione dytësore më 8 gusht, sipas “Reuters”.

Trump tha në një postim në “Truth Social” se kishte informuar disa aleatë evropianë rreth takimit të Witkoff me Putinin, i cili ishte përqendruar në përfundimin e luftës 3-vjeçare që filloi me pushtimin e plotë të Ukrainës nga Rusia në shkurt të vitit 2022.

“Të gjithë janë dakord se kjo Luftë duhet të përfundojë dhe ne do të punojmë drejt kësaj në ditët dhe javët që vijnë”, tha Trump, pa dhënë detaje të mëtejshme.