Sekretari amerikan i Shtetit, Marko Rubio dhe ministri i Jashtëm i Serbisë, Marko Gjuriç, kanë diskutuar rëndësinë e uljes së tensioneve në Ballkanin Perëndimor, me fokus të veçantë në Kosovë dhe Bosnjë e Hercegovinë, njoftoi Departamenti i Shtetit.
Dy zyrtarët kanë folur gjithashtu për mënyrat e avancimit të stabilitetit rajonal dhe krijimin e kushteve për rritje ekonomike dhe prosperitet.
“Shtetet e Bashkuara mbeten të përkushtuara ndaj një marrëdhënieje të ndërsjellë përfituese me Serbinë, që u shërben qytetarëve dhe interesave tona”, thuhet në deklaratën e Departamentit.
Ata kanë rënë dakord që gjatë këtij viti të mbajnë një dialog strategjik dypalësh, për të “thelluar lidhjet ekonomike dhe të sigurisë”.
Leave a Reply