Teksa kanë rënë dakord për t’u takuar, Presidentët e SHBA e Rusisë dhe stafet e tyre kanë patur një dilemë jo të vogël për vendin e zhvillimit të bisedimeve të shumëpritura, nga të paktën pritet të dalë vendimi për një armëpushim në luftimet në Ukrainë. Deri më tani, vendi i preferuar për negociata mes palëve ka qenë Turqia, por duket se Emiratet e Bashkuara Arabe kanë kaluar në avantazh.
Ka qenë vetë Putin që konfirmoi mundësinë e takimit mes Trump në Emiratet e Bashkuara Arabe. “Kemi shumë miq që janë të gatshëm të na ndihmojnë të organizojmë këto lloj ngjarjesh. Njëri prej tyre është presidenti i Emirateve të Bashkuara Arabe. Mendoj se do të vendosim, por ky do të ishte një nga vendet e përshtatshme”, u tha Vladimir Putin gazetarëve në Kremlin, së bashku me presidentin e Emirateve të Bashkuara Arabe, Mohammed bin Zayed.
Duket se rusët kanë preferuar për takimin historik një vend jo anëtar të NATO-s, duke hequr Turqinë nga lista. Nga negociatat e deritanishme në Stamboll janë arritur disa marrëveshje për shkëmbime të burgosurish dhe vetë diplomacia turke ka qenë tejet aktive për të ruajtur rolin negociues.
Leave a Reply