“Vetëvendosje” prezanton kandidatët për kryetarë për tri komuna në veri

Lëvizja Vetëvendosje ka zyrtarizuar sot (e shtunë)kandidatët e tri komunave për kryetarë në zgjedhjet e 12 tetorit.

Për Komunën e Leposaviqit është zyrtarizuar, Lulzim Hetemi, kryetari aktual, për Komunën e Zubin Potokut, Vedat Mehmeti, kryesuesi i kuvendit komunal në komunë dhe për Komunën e Zveçanit, Fetah Peci.

“Sot, prezantuam kandidatët për kryetarë të tri komunave veriore, të vendosur, të ndershëm dhe të palodhur, që përfaqësojnë vizionin e Lëvizjes VETËVENDOSJE! për zhvillim, drejtësi dhe barazi për çdo qytetar”, thuhet në komunikatën e këtij subjekti politik.