Presidenti i Turqisë, Rexhep Taip Erdogan, shënon sot 11 vjet në detyrë, pasi u zgjodh më 10 gusht 2014 si kreu i parë i shtetit turk i zgjedhur drejtpërdrejt nga populli. Pas ndryshimit kushtetues të vitit 2007 që parashikonte zgjedhjen e presidentit drejtpërdrejt nga qytetarët, Erdogan fitoi zgjedhjet e para presidenciale me 51,79 për qind të votave, duke u bërë presidenti i 12-të i Republikës së Turqisë.
Gjatë kësaj periudhe, nën drejtimin e Erdoganm Turqia po zhvillon gjithnjë e më tepër një diplomaci intensive në çështje të politikës së jashtme, si sulmet e Izraelit ndaj Gazës, lufta Ukrainë-Rusi dhe kriza mes Etiopisë dhe Somalisë. Po ashtu, Turqia ishte mbështetësi kryesor i Azerbajxhanit në marrjen e Karabakut. Nga siguria te demokracia, nga ekonomia te teknologjia, nga industria e mbrojtjes te politika e jashtme, u realizuan hapa historikë.
Turqia ndërmori gjithashtu hapat e parë drejt një “Turqie pa terror” nën drejtimin e presidentit Erdoğgn dhe me aleancën qeverisëse “Aleanca e Popullit”.
Erdogan i shpëtoi një përpjekjeje për ta rrëzuar nga pushteti në vitin 2016 me anë të një grushti shteti. Ai ka fituar edhe zgjedhjet pasuese presidenciale, ato të vitit 2018 nën sistemin e ri qeverisës të miratuar me referendum një vit më herët, dhe zgjedhjet e vitit 2023.
Para se të zgjidhej president, Erdogan ka shërbyer si kryeministër i Turqisë.
Leave a Reply