Japonia tregon interes për blerjen e dronëve të prodhuar në Izrael

Ushtria japoneze po vlerëson mundësinë e blerjes së dronëve të prodhuar në Izrael, të llojit “Heron-2”.

Sipas medias, së fundmi një dron i tillë është fotografuar në një aeroport japonez, teksa mbante numrin e regjistrimit izraelit dhe vulat e “Kawasaki Heavy Industries”, e cila ka firmosur një marrëveshje me kompaninë prodhuese të dronëve.

Kjo shënon faktin e parë se dronët izraelitë mund të jenë duke u testuar në Japoni. Deri më tani, ushtria japoneze kishte marrë sasi të mëdha armatimi nga Shtetet e Bashkuara të Amerikës.