Përleshjet kanë shpërthyer në Serbi mes kundërshtarëve dhe mbështetësve të qeverisë, duke shënuar një përshkallëzim të tensioneve pas më shumë se nëntë muajsh protestash të vazhdueshme kundër qeverisë, sipas “Ap”-së.
Incidentet nisë mbrëmë në qytetin Vrbas, në veriperëndim të kryeqytetit Beograd, ku policia e shpërndau protestuesit e dy kampeve kundërshtare përpara zyrave të Partisë Progresive serbe në pushtet.
Pamjet filmike nga vendi i ngjarjes treguan mbështetës të qeverisë duke hedhur fishekzjarrë, gurë dhe shishe ndaj protestuesve, të cilët hodhën mbrapsht objekte të ndryshme. Policia tha se dhjetëra persona u plagosën, përfshirë 16 policë. Incidente të ngjashme u raportuan edhe në protesta në zona të tjera të vendit.
Leave a Reply