Kosova mori sot (e premte) në dorëzim disa autoblinda të prokuruara në SHBA për Forcën e Sigurisë së Kosovës (FSK). Dorëzimi u bë nga ushtarakët amerikanë, të vendosur në Kosovë.
Kryeministri Albin Kurti u shpreh se, ky furnizim i jashtëzakonshëm është një tjetër dëshmi e partneritetit tonë të palëkundur me SHBA-të dhe gjithashtu edhe një hap i rëndësishëm në fuqizimin e kapaciteteve mbrojtëse të vendit tonë.
“Ushtria jonë do të vazhdojë të zhvillohet krahë për krahë me partnerin tonë strategjik, si në aspektin e trajnimeve, ashtu edhe në atë të shkollimit dhe doktrinës e cila është e bazuar në atë të ushtrisë së SHBA-ve”, tha Kurti.
Leave a Reply