Një juri e madhe federale akuzoi sot (e premte) kryetaren e bashkisë së Nju Orlinsit, LaToya Cantrell për konspiracion, mashtrim dhe pengim të një hetim mbi dyshimet se ajo u përpoq të fshihte një marrëdhënie romantike me truprojën e saj, sipas AP.
Aktakuza është kulmi i një hetimi të gjatë federal ndaj kryebashkiakes së parë në historinë 300-vjeçare të qytetit. Truproja i saj, Jeffrey Vappie kërkoi pafajësinë, pas aktakuzës për mashtrim dhe dhënie deklaratash të rreme.
Ai akuzohet për fshehjen e një marrëdhënieje romantike me Cantrell dhe paraqitjen e të dhënave të rreme të pagave duke pretenduar se ishte në detyrë.
Vappie, i cili doli në pension nga departamenti i policisë vitin e kaluar, është planifikuar të dalë në gjyq në janar.
Prokurorët federalë kanë akuzuar Vappie dhe Cantrell për shkëmbim mesazhesh të koduara përmes një aplikacioni për të shmangur zbulimin dhe më pas për fshirjen e bisedave.
Kryetarja e bashkisë dhe Vappie kanë thënë se marrëdhënia e tyre ishte rreptësisht profesionale.
Leave a Reply