Një ndër momentet më kulminante, por edhe më të vështira në karrierën e Pipo Baudos, ka qenë imitimi, në emisionin e drejtuar prej tij, i Ajatollahut të Iranit, #Khomeini.
Ishte 22 nëntori 1986 dhe #Baudo drejtonte “Fantastico7”, një spektakël me muzikë e kërcime, ku nuk mungonte edhe humori politik. Të ftuarit e Baudos ishin “Trio” (Treshja), të cilët erdhën në skenē me një skeç për të famshmin #Irangate, ku u zbulua se SHBA furnizonte me armë Teheranin
, i angazhuar në luftë kundër Irakut të Sadami Huseinit.
Në skeç, Ajatollah Khomeini (#TullioSolenghi) dhe e ëma, Sora Khomeines (#AnaMarchesini) ankoheshin te Presidenti amerikan #Regan (#MassimoLopez) për cilësinë e armëve të dërguara.
Reagimi i Teheranit ishte shumë i ashpër ndaj emisionit të #Rai-t. Kompania “Iran-Air” pezulloi fluturimet drejt Italisë
, Instituti Italian i Kulturës në #Teheran u mbyll, tre diplomatë italianë u përzunë dhe u thirr në atdhe ambasadori iranian në Romë. Përpara ambasadës italiane në Teheran kishte protesta agresive për ditë me rradhë.
U deshën dy muaj negociata dhe angazhimi i qeverisë italiane dhe i Xhulio Andreotit për ta zgjidhur incidentin diplomatik dhe qetësuar pretendimin e Iranit se ishte prekur besimi fetar i popullit të tij.
Leave a Reply