Presidenti ukrainas Volodimir Zelenski kërkoi nga presidenti amerikan Donald Trump në Zyrën Ovale në Shtëpinë e Bardhë, në Uashington garanci sigurie nga SHBA-ja për të arritur një marrëveshje me Rusinë për ndalimin e luftës.
I pyetur se çfarë i duhej nga SHBA-ja për të garantuar sigurinë e Ukrainës, trupa, inteligjencë, pajisje, Zelenski u përgjigj: “Gjithçka. Së pari, ka nevojë për një ushtri të fortë ukrainase. Bëhet fjalë për armë, njerëz, misione trajnimi, inteligjencë”, tha ai përkrah Trump.
“Dhe së dyti, do të diskutojmë me partnerët tanë. Varet nga vendet e mëdha, nga Shtetet e Bashkuara të Amerikës, nga miqtë tanë”, tha Zelenski.
Leave a Reply