34 vjet më parë, më 19 gusht 1991, rangjet e larta të Partisë Komuniste të Bashkimit të Republikave Socialiste Sovjetike organizuan një grusht shteti kundër Presidentit Mikail Gorbaçov.
Lideri sovjetik u vendos në arrest teksa ndodhej në #Foros të Krimesë, në Detin e Zi.
Njeriu që i dha fund Luftës së Ftohtë refuzoi të dorëhiqej nga detyra dhe regjistroi fshehtas një video-mesazh që synonte të kthente rrjedhën e ngjarjeve. Por mesazhi i Gorbaçovit, ku ai rrëzonte pretendimet e puçistëve se nuk mund ta kryente dot detyrën për arsye shëndetësore, u publikua pasi vetë përpjekja për puç nuk gjeti mbështetje dhe u shua.
Kundërshtari i Gorbaçovit, Presidenti i Republikës Ruse, Boris Jelcin, pati një rol vendimtar në frenimin e tankeve ushtarake që synonin të merrnin kontrollin e Moskës.
Mikail Gorbaçov u kthye në Kremlin pas 3 ditësh, por grushti i shtetit, ndonëse i dështuar, i dha goditjen finale Bashkimit të Republikave Socialiste Sovjetike, duke shpejtuar shpërbërjen e tij.
Leave a Reply