Presidenti i Turqisë, Rexhep Taip Erdogan, ka zhvilluar bisedë telefonike me homologun e tij rus Vladimir Putin. Sipas informacionit nga Kryesia e Komunikimeve pranë Presidencës Turke, në bisedë u trajtuan rezultatet e samitit të Alaskës, çështjet tregtare dhe marrëdhëniet dypalëshe Turqi-Rusi.
Erdogan në bisedë duke theksuar se ndjek prej afër zhvillimet lidhur me procesin e paqes, tha se Turqia që nga fillimi i luftës bën përpjekje të sinqertë për paqe të drejtë dhe në këtë drejtim mbështet qasjet që synojnë paqe të qëndrueshme me pjesëmarrjen e të gjitha palëve.
Gjatë bisedës, Putin tërhoqi vëmendjen te Procesi i Stambollit dhe falënderoi presidentin Erdogan për mikpritjen e bisedimeve të paqes nga Turqia dhe për përpjekjet e tij.
Erdogan dhe Putin ranë dakord që të dy vendet të vazhdojnë dialogun.
Leave a Reply