Byroja Federale e Hetimit (FBI) në Shtetet e Bashkuara paralajmëroi të mërkurën sektorin publik e privat dhe komunitetin ndërkombëtar për një kërcënim të ri për rrjetin e kompjuterëve dhe infrastrukturën kritike nga aktorë kibernetikë të lidhur me të quajturën “Qendra 16” të Shërbimit Federal të Sigurisë (FSB) të Rusisë.
FBI tha se ka dedektuar aktorë kibernetikë të FSB-së ruse që vepronin me mënyra të ndryshme (Simple Network Management Protocol – SNMP) për të targetuar gjerësisht njësi të ndryshme në Shtetet e Bashkuara dhe globalisht.
Në vitet e shkuara, FBI bëri të ditur se ka kapur aktorë që mblidhnin “file” konfiguruese për qindra rrjete të lidhura me subjekte shtetërore apo private amerikane në sektorë të infrastrukturës kritike. Në disa pajisje, hakerët kanë modifikuar “file” për të mundësuar hyrjen e paautorizuar. Në këtë mënyrë, ata kanë shfrytëzuar lejimin e hyrjes së paautorizuar në pajisje për të naviguar dhe mbledhur të dhëna në rrjetet që kanë rënë viktimë.
“Qendra 16” e FSB-së, që drejton këtë aktivitet, është e njohur për profesionistët e kibernetikës me disa emra, si “ariu i çmendur” apo “dragoi fluturues”, që u referohen njësive të ndara, por të lidhura në aktivitetin e tyre. Për mbi një dekadë, kjo qendër ka kompromentuar rrjete kompjuterike në mbarë botën, kryesisht pajisjet që kanë protokolle të pakodifikuara si SMI dhe SNMO, versioni 1 dhe 2.
Kjo njësi ka vepruar edhe për instalimin e programeve të ndryshme në pajisje të caktuara për marrjen e të dhënave.
Leave a Reply