Ministrat dhe drejtuesit kryesorë të ministrive kanë mbyllur pushimet dhe prej së hënës (25 gusht) do të rinisë funksionimi i plotë i strukturës ekzekutive, në pritje të formatimit të Kuvendit dhe Qeverisë së re.
Në bazë të Kushtetutës, mandati katërvjeçar i Kuvendit ekzistues do të përfundojë më 10 shtator 2025, ditë kur duhet të mblidhen edhe deputetët e dalë nga zgjedhjet e 11 Majit për të bërë betimin.
Realizimi i betimit dhe verifikimi i mandateve përpara tij do t’i hapin rrugën konstituimit të Kuvendit, me zgjedhjen e drejtuesve të rinj (kryetari dhe zëvendëskryetarët e Kuvendit, krahas drejtimit të komisioneve të përhershme).
Më pas Kuvendi duhet të shqyrtojë programin politik të qeverisë së re, që do të paraqitet nga Kryeministri Edi Rama, përpara dhënies së votëbesimit.
Partia Socialiste e Kryeministrit Edi Rama fitoi zgjedhjet e 11 majit me një shumicë të konsoliduar me 83 mandate, ndër 140 deputetë.
Leave a Reply