Merz: Putin me strategjinë e vonesës për të evituar takimin me Zelenskin

Kancelari gjerman Friedrich Merz akuzoi Moskën për një “strategji vonese”, kur bëhet fjalë për arritjen e një marrëveshjeje paqeje me Ukrainën.

Në një takim me kryeministrin kanadez, Mark Carney në Berlin, ai tha se presidenti rus Vladimir Putin po vonon qëllimisht një takim me Volodimir Zelenskin e Ukrainës për t’i dhënë fund luftës.

“Putin beson se është e drejtë ta lidhë këtë takim me parakushte që, nga perspektiva e Ukrainës, dhe gjithashtu nga e jona dhe nga pikëpamja ime personale, janë plotësisht të papranueshme”, tha Merz.

“Pas takimit me Putinin në Alaska dhe më pas në Uashington me Zelenskin dhe partnerët evropianë në fillim të këtij muaji, presidenti i SHBA-së Donald Trump ka dhënë përshtypjen se ishte afër ndërmjetësimit të një zgjidhjeje paqeje”, tha Merz.