Presidenti i Turqisë, Rexhep Taip Erdogan, ka zhvilluar një bisedë telefonike me homologun ukrainas Volodimir Zelenski. Kryesia e Komunikimeve pranë Presidencës Turke në deklaratën e saj, bëri të ditur se në bisedë janë trajtuar marrëdhëniet bilaterale midis Turqisë dhe Ukrainës, procesi i paqes midis Ukrainës dhe Rusisë si dhe çështjet globale.
Erdogan në bisedë tha se po ndjekin takimet e Alaskës dhe Uashingtonit dhe se Turqia vazhdon përpjekjet e saj që lufta të rezultojë me paqe të qëndrueshme, duke shtuar se Turqia do të vazhdojë të kontribuojë në sigurinë e Ukrainës me vendosjen e paqes.
Duke theksuar se një zgjidhje e drejtë për luftën Ukrainë-Rusi është e mundur, se negociatat midis dy palëve duhet të vazhdohen duke u forcuar, dhe se Turqia është e gatshme të bëjë çmos për të lehtësuar kontaktet e nivelit të lartë që do të hapin rrugën për paqe, gjithashtu e uroi Ukrainën për ditën e pavarësisë së saj.
Leave a Reply