Partia serbe e Kosovës, Lista Serbe, ka dorëzuar ankesën e paralajmëruar për shkelje të të drejtave të subjektit të tyre politik, në Gjykatën Kushtetuese.
Lista Serbe ka bërë të ditur nëpërmjet një njoftimi me shkrim për media në prag të fillimit të seancës konstituive të Kuvendit, se deputetët e saj dorëzuan ankesën në Gjykatën Kushtetuese “për shkak të shkeljes së rëndë të të drejtave të popullit serb në seancat e kuvendit në Prishtinë”.
“Parimet kushtetuese dhe demokratike janë cenuar rëndë, ndërsa popullit serb i është pamundësuar ushtrimi i të drejtave të tij të garantuara”, thuhet në njoftim.
Ajo tha se pret nga gjykata më e lartë e vendit “të reagojë menjëherë dhe të ndërmarrë të gjitha masat e nevojshme për mbrojtjen e sundimit të ligjit, si dhe të drejtave të popullit serb në përputhje me aktet juridike në fuqi”.
Sot Kuvendi mbajti seancën e radhës në përpjekje për konstituim, por pa sukses.
Leave a Reply