Këshilli i Ministrave liroi sot nga detyra tre zëvendësministra, të cilët janë zgjedhur deputetë në zgjedhjet e 11 majit dhe pritet të marrin mandatin me nisjen e Kuvendit të ri. Në mbështetje të ligjit “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave vendosi lirimin nga detyra të Ilva Gjuzit, zëvendësministër i Turizmit dhe Mjedisit, e zgjedhur në Tiranë.
Gjithashtu u lirua nga detyra i zëvendësministrit të Infrastrukturës dhe Energjisë, Ceno Klosi, i zgjedhur në Fier.
Në mbledhjen e qeverisë u vendos edhe lirimi nga detyra e zëvendësministres së Brendshme, Romina Kuko, e zgjedhur në Korçë.
Leave a Reply