Kryeministri izraelit Benjamin Netanjahu i ka bërë thirrje Katarit të dëbojë përfaqësuesit e grupit militant palestinez Hamas, një ditë pasi shënjestroi udhëheqjen e organizatës islamike në Doha. Netanjahu tha se sulmet u kryen kundër planifikuesve të masakrave të 7 tetorit 2023 në Izrael, të cilat shkaktuan luftën në Gaza.
“Unë i them Katarit dhe të gjitha kombeve që strehojnë terroristë, ose i dëboni ose i sillni para drejtësisë”, tha Netanyahu.
“Sepse nëse nuk e bëni, ne do ta bëjmë”, shtoi ai.
Kryeministri Netanjahu akuzoi Katarin se u ka ofruar udhëheqësve të Hamasit një strehë të sigurt, financim dhe vila luksoze.
Ministria e Jashtme e Katarit dënoi deklaratat “e pamatura” të Netanjahut.
Leave a Reply