Vrasësi i dyshuar i Charlie Kirk u bind të dorëzohej te autoritetet nga babai i tij, një njeri besimtar, deklaroi presidenti amerikan Donald Trump në një intervistë me Fox News.
Trump, në një intervistë me Fox News, tha se shpreson që vrasësi i Charlie Kirk të dënohet me vdekje, duke shpjeguar se ai u gjet falë raportimeve nga familja e tij.
Babai i Tyler Robinson, vrasësit të dyshuar të Charlie Kirk, e identifikoi të birin nga fotot e publikuara nga FBI-ja.
Autoritetet e thanë këtë në një konferencë për shtyp, duke shtuar se babai e çoi të birin në një stacion policie për t’ua dorëzuar autoriteteve.
Tashmë vrasësi i dyshuar i Charlie Kirk ndodhet në paraburgim.
FBI-ja kishte ofruar një shpërblim deri në 100 000 dollarë për informacion që do të çonte në identifikimin dhe arrestimin e personit përgjegjës për atentatin.
Kirk, një mbështetës i njohur i presidentit Trump, u qëllua me armë në qafë ndërsa fliste në një aktivitet në ambient të hapur në një universitet, të mërkurën, dhe më pas ndërroi jetë nga plagët e marra.
Leave a Reply