Shqetësimet për sigurinë, Serbi-Shqipëri zhvendoset në Leskovac

Shqetësimet për sigurinë e ndeshjes kanë detyruar Federatën Serbe të Futbollit, pas miratimit të #UEFA-s dhe Federatës Shqiptare të Futbollit, të braktisë Beogradin për duelin Serbi–Shqipëri, i vlefshëm për kualifikueset e Kupës së Botës 2026.

Ndeshja do të zhvillohet në stadiumin “Gradski Stadion Dubočica” në Leskovac, më 11 tetor 2025, në orën 20:45. Ky stadium ka një kapacitet minimal për ndeshje të tilla, me vetëm 8.100 vende.

#Leskovac ndodhet në jug të Serbisë, vetëm 100 km nga kufiri me Kosovën dhe pranë Medvegjës.

Fillimisht ndeshja parashikohej të luhej në stadiumin “Rajko Mitic” në Beograd, selia futbollistike e “Yllit të Kuq”, me një kapacitet mbi 50 mijë vende.