Zhvilloi punimet në Tiranë konferenca e 28-të e Shefave të Shtabit të Përgjithshëm të SHBA-Kartës së Adriatikut (A5) 2025.
Konferenca u bashkëkryesua nga shefi i Shtabit të Përgjithshëm të ushtrisë shqiptare, gjeneral-lejtnant, Arben Kingji, me komandantin e Komandës Amerikane për Evropën dhe Komandës Supreme Aleate, Gjeneral Alexus Grynkewich, dhe me Shefin e Shtabit të Përgjithshëm të Forcave të Armatosura të Bosnjë-Hercegovinës, Gjeneral Gojko Knežević.
Komandanti i Komandës Europiane të Shteteve të Bashkuara dhe Komandant Suprem i Forcave Aleate për Europën, Gjenerali Alexus Gregory Grynkewich, vlerësoi bashkëpunimin mes vendeve të Ballkanit.
“Ndërsa kombet tona rrisin shpenzimet për mbrojtjen dhe bëjnë hapa të mëdhenj në modernizimin ushtarak, ne duhet të punojmë së bashku për të siguruar që këto investime të shndërrohen në aftësi të vërteta. Kjo kërkon përqëndrim të vazhdueshëm në përmirësimin e ndërveprueshmërisë, ndërtimin e gatishmërisë dhe zhvillimin e marrëveshjeve mbështetëse. Pas dëgjimit të të gjitha diskutimeve optimiste sot, jam i bindur se mund t’i arrijmë këto qëllime”, tha gjenerali amerikan.
Leave a Reply