Britania e Madhe do ta njohë zyrtarisht shtetin e Palestinës këtë fundjavë, pasi presidenti i SHBA-së, Donald Trump të përfundojë vizitën e tij shtetërore, raportoi të mërkurën “The i Paper”, duke cituar burime qeveritare.
Në korrik, kryeministri Keir Starmer tha se Mbretëria e Bashkuar do ta njohë shtetësinë palestineze në Asamblenë e Përgjithshme të OKB-së në Nju Jork në shtator, nëse Izraeli nuk ndërmerr “hapa thelbësorë” për të adresuar situatën humanitare në Gaza dhe për të rënë dakord për një armëpushim.
Arsyeja për shtyrjen e njoftimit deri pas largimit të Trumpit nga Mbretëria e Bashkuar është sepse “mund të kishte rrezikuar thellimin e tensioneve me Uashingtonin, pasi Trump dhe sekretari i Shtetit, Marco Rubio ofruan mbështetje të fortë për ofensivën tokësore të Izraelit në Gaza”, thuhet në raport.
Zëdhënësi i kryeministrit tha se njohja ishte hartuar për të mbrojtur qëndrueshmërinë e një zgjidhjeje me dy shtete.
“Shtetësia është e drejtë e patjetërsueshme e popullit palestinez dhe është absolutisht thelbësore në mbrojtjen e qëndrueshmërisë së një zgjidhjeje me dy shtete që ta bëjmë të qartë këtë të drejtë të patjetërsueshme”, shtoi ai.
Leave a Reply