Ahmed al-Sharaa, President i Sirisë, u ul përballë gjeneralit me 4 yje, në pension, të ushtrisë amerikane, David Petraeus, gjatë një forumi politik në Nju-Jork në javën e Asamblesë së Përgjithshme të Kombeve të Bashkuara.
Kjo nuk ishte ndërthurja e parë e historive dhe karrierave të ish-luftëtarit Al-Sharaa, i kërkuar për shumë vjet nga SHBA si terrorist islamik, dhe ish-ushtarakut të lartë Petraeus, gjithashtu ish-shef i #CIA-s.
#Petraeus ishte komandanti i forcave amerikane gjatë pushtimit të Irakut. Këto forca kapën dhe mbajtën të arrestuar al-Sharaa nga viti 2006 deri në vitin 2011 për “luftën kundër pushtimit amerikan”. Pas lirimit të tij, al-Sharaa themeloi Frontin “al-Nusra” në Siri në vitin 2012 për të luftuar kundêr Asadit. Katër vjet më pas, ai i forcoi lidhjet me “Al-Kaida”-n. Pas një viti, “Al-Nusra” dhe grupe të tjerë formuan “Hayat Tahrir al-Sham” (HTS), të drejtuar nga al-Sharaa.
Në vitin 2018, #HTS u shpall organizatë terroriste nga Shtetet e Bashkuara dhe për kapjen e al-Sharaa ofroheshin 10 milionë dollarë deri në dhjetor 2024. Në korrik 2025, HTS u hoq nga lista e organizatave terroriste.
Al-Sharaa, i cili përmbysi dhe largoi nga pushteti Presidentin famëkeq Bashar al-Assad, duke i dhënë fund sundimit 50-vjeçar të familjes së tij në Siri, prej janarit 2025 ushtron funksionin e Presidentit të Sirisë. Ai po zhvillon një vizitë të rrallë në Kombet e Bashkuara.
Leave a Reply