Qeveria gjermane është e hapur për një plan të Bashkimit Evropian për të liruar asetet e ngrira ruse për Ukrainën, tha një burim qeveritar, sipas “Reuters”.
Plani i BE-së parashikon të dërgojë deri në 200 miliardë euro (rreth 235 miliardë dollarë) nga paratë ruse të mbajtura në një depozitë belge tek Ukraina dhe t’i zëvendësojë ato me bono të mbështetura nga BE-ja, sipas një raporti të “Politico”.
Ky plan, që do të ndihmojë në financimin e mbështetjes për Ukrainën në një kohë pasigurie mbi angazhimin e Shteteve të Bashkuara të Amerikës ndaj Kievit nën administratën e presidenetit Donald Trump, pritet të dominojë një samit joformal të BE-së në Kopenhagë javën e ardhshme.
Derisa deri tani BE-ja ka marrë vetëm interesin e gjeneruar nga asetet ruse, të cilat u ngrinë pas pushtimit të Ukrainës nga Moska në shkurt 2022.
Gjermania, vendi me ekonominë më e madhe në BE-së dhe mbështetësja e dytë më e madhe ushtarake e Ukrainës, ka shprehur më parë shqetësime ligjore mbi çdo propozim për t’i konfiskuar plotësisht asetet.
Por ministri i Financave, Lars Klingbeil, njoftoi javën e kaluar se Berlini po rishikon qëndrimin e tij mbi këtë çështje ligjërisht të ndërlikuar.
“Qeveria gjermane është e hapur për debat mbi propozimet e reja të Komisionit Evropian”, tha burimi qeveritar, pa konfirmuar detajet e sakta të planit.
Leave a Reply